პოლონეთის საგარეო საქმეთა მინისტრის, რადოსლავ შიკორსკის თქმით, უკრაინაში NATO-ს ალიანსის მისია შეიქმნება. ამის შესახებ ქვეყნის საგარეო საქმეთა სამინისტროს ოფიციალურ X-ის გვერდზე წერია.
"(უკრაინაში) NATO-ს მისიის შექმნის გადაწყვეტილება მივიღეთ. ეს არ ნიშნავს, რომ ომში ვერთვებით, მაგრამ მოგვეცემა კოორდინაციის, წვრთნისა და დაგეგმვის შესაძლებლობები უკრაინის უკეთესად მხარდაჭერისთვის". – წერია პოლონეთის საგარეო საქმეთა სამინისტროს პოსტში.
ამ ეტაპზე NATO-ს სხვა ქვეყნების წარმომადგენლები შიკორსკის განცხადებას არ გამოხმაურებიან.
ცოტა ხნით ადრე შიკორსკიმ თქვა, რომ NATO-ს მისიის შექმნა მოსკოვის კონფრონტაციული არ იქნება.
"პუტინი იმეორებს ტყუილს თავდაცვითი ომის შესახებ. არ ვურჩევ NATO-ზე თავდასხმას, იმიტომ რომ, 20-ჯერ უფრო მდიდრები ვართ, რუსეთი წააგებს ასეთ ომს, ისევე, როგორც საბჭოთა კავშირი დამარცხდა ცივ ომში". – თქვა შიკორსკიმ.
