საქსტატის ინფორმაციით, 2023 წლის მე-4 კვარტალში, წინა კვარტალთან შედარებით, საცხოვრებელი უძრავი ქონების ფასების ინდექსი (RPPI) 2.9%-ით გაიზარდა, ხოლო ინდექსის წლიურმა ზრდამ 12.8% შეადგინა. ამასთან, იმავე ინდექსი 2020 წლის საშუალოს 39.8%-ით აღემატება.
"RPPI-ის დაფარვა შემოიფარგლება ქ. თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს". - ნათქვამია საქსტატის გამოქვეყნებულ დოკუმენტში.
გასული წლის მე-4 კვარტალში, წინა კვარტალთან შედარებით, ფასები გაიზარდა როგორც საცხოვრებელი ბინების (+2.5%), ისე კერძო სახლების სეგმენტში (+4.3%).
საქსტატის ინფორმაციითვე, 2022 წლის მე-4 კვარტალთან შედარებით ფასები ორივე სეგმენტის შემთხვევაში გაიზარდა - ბინები 14.2%-ით გაიზარდა, ხოლო კერძო სახლები - 8.6%-ით.
გარდა ამისა, გასული წლის მე-4 კვარტალში ახალაშენებული საცხოვრებლები სეგმენტში 1მ²-ის მედიანური ღირებულება ყველაზე მაღალი მთაწმინდაზე იყო.
2023 წლის მეოთხე კვარტალში ახალაშენებული (დასრულებული) საცხოვრებლების სეგმენტში 1მ²-ის მედიანური ღირებულება, თბილისის უბნების მიხედვით:
