რუსეთი და ბელარუსი ერთობლივ სასწავლო-საბრძოლო ცენტრებს გახსნის. შესაბამისი შეთანხმების რატიფიკაციას მოაწერა ხელი ვლადიმირ პუტინმა.
შეთანხმებაში მითითებულია, რომ ერთობლივი ცენტრების მთავარი მიზნებია:
- ერთობლივი სამხედრო მომზადება;
- გამოცდილების გაცვლა არსებული იარაღის, სამხედრო და სპეციალური ტექნიკის საბრძოლო გამოყენების შესახებ;
- იარაღის, სამხედრო და სპეცტექნიკის ნიმუშებზე მუშაობის პრაქტიკული უნარების ამაღლება;
- მხარეთა შეიარაღებული ძალების ერთობლივი საბრძოლო მომზადება.
გარდა ამისა ცენტრებში არსებული კონტინგენტი და მოძრავი ქონება თავისუფლდება გადასახადებისგან.