მონტენეგროში 20 დღეა სიზარმაცის ჩემპიონატი მიმდინარეობს. "ყველაზე ზარმაცი მოქალაქის" ტიტულის მოსაპოვებლად 7 ადამიანი იბრძვის.
"ყველა ჩვენგანი თავს კარგად გრძნობს, შესანიშნავად, ჯანმრთელობის პრობლემები არ გვაქვს. მთავარია, ვიწვეთ". - თქვა კონკურსის მე-20 დღეს 38 წლის დუბრავკა აქსიჩმა.
კონკურსანტებს უფლება აქვთ რვა საათში ერთხელ 10 წუთით ტუალეტში გავიდნენ. სხვა შემთხვევაში ადგომა დაუყოვნებლივ დისკვალიფიკაციად ითვლება.
კონკურენტებს ასევე შეუძლიათ, წაიკითხონ და გამოიყენონ მობილური ტელეფონები და ლეპტოპები.
კონკურსში გამარჯვებული 1 000 ევროს მიიღებს.
სიზარმაცის ჩემპიონატის ორგანიზატორის თქმით, პირველად კონკურსი 12 წლის წინ იმ მითზე საპასუხოდ ჩატარდა, რომელიც მონტენეგროელებს ზარმაც ადამიანებად მოიხსენიებს.
