ლიტვამ ბელარუსთან არსებული ექვსი საზღვრიდან ორს ჩაკეტავს. მთავრობის წარმომადგენელთა თქმით, 18 აგვისტოდან, ტვერეციუსსა და სუმსკასში არსებული საზღვრები, რომლებითაც მანქანები არ სარგებლობენ, დაიკეტება და მოძრაობა მედინინკაიში, ყველაზე დიდ გამშვებ პუნქტში გადაინაცვლებს.
მთავრობაში აცხადებენ, რომ ეს გადაწყვეტილება ერთი მხრივ, გეოპოლიტიკური ვითარების ცვლილებებსა და ეროვნულ უსაფრთხოებას, მეორე მხრივ კი კონტრაბანდის საკითხს უკავშირდება.
ბელარუსის დასავლელმა მეზობლებმა უსაფრთხოება მას შემდეგ გააძლიერეს, რაც მინსკმა რუსული დაქირავებული დაჯგუფების, ვაგნერის მებრძოლებს თავშესაფარი მისცა.
ტრანსპორტის მინისტრის მოადგილემ, აგნე ვაიციუკევიჩიუტემ Associated Press-სთან ინტერვიუში თქვა, რომ საზღვრების ჩაკეტვა დროებითია.
ლიტვის პრემიერმინისტრის, კრისიანის კარინმა თქმით, ბელარუსს უნდა სცოდნოდა, რომ თავისი ქვეყანა საკუთარი ხალხისა და დანარჩენი ევროპის სასიკეთოდ საზღვრების დაცვას სერიოზულად ეკიდება.
"ჩვენ ვნახეთ, რომ ამ ზაფხულს ბელარუსის მხრიდან ზეწოლა არ მცირდება" - ამბობს პრემიერი კარინი.
