რაჭაში, შოვის სტიქიის ზონაში მაშველებმა კიდევ ერთი ადამიანის ცხედარი იპოვეს. ნაპოვნ დაღუპულთა რაოდენობა 26-მდე გაიზრდა. ინფორმაცია ტაბულას საგანგებო სიტუაციების მართვის სამსახურში დაუდასტურეს.
სტიქიის ზონაში კიდევ 7 ადამიანს ეძებენ. ამ დრომდე ნაპოვნი ცხედრებიდან 20 იდენტიფიცირებულია.
რაჭაში, შოვში, სასტუმრო სანსეტ შოვის მიმდებარედ მეწყერის შედეგად მიწის მასა 3 აგვისტოს ჩამოიშალა.
სტიქიის ზონაში მე-13 დღეა მეხანძრე-მაშველები სამძებრო სამუშაოებს აგრძელებენ. შსს-ს ინფორმაციით, მიწის მასის 90% უკვე გადამოწმებულია.