როგორც 26 ივნისს გამოქვეყნებულმა ეკონომიკურმა შეფასებამ გამოავლინა, გაერთიანებული სამეფოს მთავრობის გეგმა თავშესაფრის მაძიებლების რუანდაში დეპორტაციის შესახებ, რომელიც 2022 წლის გაზაფხულზე გამოცხადდა, 169 000 ფუნტი სტერლინგი დაჯდება.
სამთავრობო დეპარტამენტის მონაცემებით, თავშესაფრის მაძიებლის დეპორტაცია დაახლოებით 63 000 ფუნტი სტერლინგით მეტი დაჯდება, ვიდრე დიდ ბრიტანეთში მათი დარჩენა.
გეგმა სასამართლოში ადამიანის უფლებების საკითხებთან დაკავშირებით არაერთ გამოწვევას წააწყდა. პირველი დაგეგმილი ფრენა 2022 წლის ივნისში ადამიანის უფლებათა ევროპული სასამართლოს დროებითი ღონისძიებით დაიბლოკა. სასამართლოს მთავარი გადაწყვეტილება ამ წინადადებებზე 29 ივნისს გამოცხადდება.
კანონპროექტს ასევე ეწინააღმდეგება გაერთიანებული სამეფოს ზოგიერთი პარტიაც. ქალთა და თანასწორობის კომიტეტის თავმჯდომარემ ქეროლაინ ნოუქსმა თქვა, რომ კანონპროექტით არ უნდა მოხდეს ბავშვების რუანდაში დეპორტაცია.
"ბავშვებისთვის ზიანის მიყენების რისკი აღემატება მთავრობის პოლიტიკის დღის წესრიგის ეფექტურობის ნებისმიერ ზიანს."- თქვა ნოუქსმა.
