რაც შეეხება ჩვენს სავაჭრო ურთიერთობებს, სანქციების შეერთება/არ შეერთებას. ჩვენ ისეთ ნაბიჯს არ გადავდგამთ, რომელზეც თავიდანვე ვიცით, რომ ჩვენი ქვეყნისა და ხალხისთვის დამაზიანებელი იქნება. როდესაც სანქციების შეერთებისკენ მოგვიწოდებენ, ვიცით, რომ ამით დავაზიანებთ ჩვეულებრივ გლეხს, მშრომელ ადამიანს, ვინც 24-საათიან რეჟიმში ყველაფერს აკეთებს იმისთვის, რომ რაღაც პროდუქტი, პროდუქცია შექმნას და შემდეგ, ამის რეალიზაცია მოახდინოს, თუნდაც რუსულ ბაზარზე. რატომ არ უნდა გამოვიყენოთ ეს შესაძლებლობა, როდესაც ამით შემოსავალს იღებს ქართველი გლეხი, ქართული ბიზნესი და რა თქმა უნდა, ეს არის ქართულ ეკონომიკაში შემოსული თანხები. შესაბამისად, თუ ჩვენ იმ ნაბიჯს გადავდგამთ, რომ ამ სანქციებს ვუერთდებით, ამით რუსულ ეკონომიკას კი არ დავაზიანებთ, არამედ, დავაზიანებთ ჩვენს ხალხსა და ქართულ ეკონომიკას.
საქართველო-რუსეთი
კალაძე: როცა სანქციების შეერთებისკენ მოგვიწოდებენ, ვიცით, ამით ჩვეულებრივ გლეხს დავაზიანებთ
