უნგრეთის საგარეო საქმეთა მინისტრმა, პეტერ სიიარტომ თქვა, რომ უნგრეთმა უკრაინაში ომისთვის უკვე ზედმეტად დიდი ფასი გადაიხადა. ამის შესახებ მან Facebook-ზე დაწერა.
"თუ ეს განცხადება ნიშნავს, რომ პატივისცემით მადლობას უხდით უნგრელებს უკრაინიდან მილიონზე მეტი ლტოლვილის მიღებისა და მოვლისთვის, და პატივისცემით მადლობას უხდით უნგრეთს დახმარების გამოგზავნისთვის, მაშინ, არაფრის, და შეგიძლიათ ჩვენი იმედი გქონდეთ მომავალშიც." - დაწერა საგარეო საქმეთა მინისტრმა Facebook-ზე.
ამასთან, უნგრეთის საგარეო საქმეთა მინისტრის თქმით, ზელენსკის არ აქვს უფლება გადაწყვიტოს, შეესაბამება თუ არა უნგრეთის ქცევა NATO-ს წევრი ქვეყნის ქცევას.
"უნგრელმა ხალხმა უკვე ზედმეტად დიდი ფასი გადაიხადა ამ ომისთვის. ბევრი უნგრელი, მათ შორის, ზაკარპატიის ოლქში მცხოვრები უნგრელი უკვე დაიღუპა ამ ომში." - დაწერა მან.
"როგორ გადავწყვიტოთ დავა ბუდაპეშტთან? საკითხავია მხოლოდ ის, თუ რა სურს ბუდაპეშტს. მეჩვენება, რომ უნგრეთის პოლიტიკურ ელიტაში დაბნეულობაა. ძალიან უცნაური სიტუაციაა – შეიძლება NATO-ს წევრი ქვეყანა იყოს რუსეთის მხარეს და NATO-ს წინააღმდეგ?
ვფიქრობ, ეს შეუსაბამო საქციელია. მე გამოვხატავ ჩემს სუბიექტურ აზრს. მოკავშირე არ არის მხოლოდ სიტყვა, ეს არის რწმენა და ქმედება. ეს არის სახელმწიფოთა გაერთიანება, რომელთაც აქვთ იგივე შეხედულება უსაფრთხოებაზე, ღირებულებებზე. " - თქვა ზელენსკიმ.