ზელენსკი უკრაინელი ტყვეების დაბრუნებაზე: ასმა ოჯახმა აღდგომის წინ ნამდვილი სიხარული მიიღო

კარგი ამბავი ტყვეების გაცვლაზე მომუშავე ჩვენი გუნდისგან - შევძელით უკრაინის მცველი კიდევ 100 ქალისა და მამაკაცის სახლში დაბრუნება - 80 მამაკაცისა და 20 ქალის. ისინი არიან სამხედრო მსახურები, მესაზღვრეები, სამხედრო-საზღვაო ძალების მეომრები, ეროვნული გვარდიის წევრები. მათ შორის არიან აზოვსტალის მცველები. ეს არის ასი ოჯახი, რომლებმაც აღდგომის წინ ნამდვილი სიხარული მიიღეს. რა თქმა უნდა, ვაგრძელებთ მუშაობას, რათა ყველა ჩვენიანი დავაბრუნოთ რუსეთის ტყვეობიდან. გვახსოვს თითოეული მათგანი და დავაბრუნებთ!