თბილისის მერია

კალაძე საახალწლო სლოგანზე: პროვოკაციაა, თითქოს უკრაინელების მიმართ ნიშნის მოგებაა

გუშინ კონკრეტულმა მედიებმა და პოლიტიკოსებმა სცადეს, ჩვენი საახალწლო სლოგანი მშვიდობის ქალაქი წარმოეჩინათ როგორც ნიშნის მოგება ჩვენი უკრაინელების მიმართ, რაც არის უმძიმესი სპეკულაცია და პროვოკაცია, რომელსაც ჩვენი ქვეყნის და ქალაქის მიმართ სიყვარულით განმსჭვალული ადამიანი არასდროს იკადრებს და არასდროს გააკეთებს. თუმცა, კარგად მესმის, რომ ამ ადამიანებს სამშობლოს მიმართ არც სიყვარული გააჩნიათ, არც პატივისცემა და არც ღირსება.

ყოველ ახალ წელს ადამიანები ტრადიციულად აღნიშნავენ მთავარ სიკეთეს, რითაც გასული წელი ყველაზე მეტად დაამახსოვრდათ და ერთმანეთს უსურვებენ ყველაზე მნიშვნელოვანს, რაც მათ უნდათ, რომ მომავალმა წელმა მოუტანოთ. იმ უმძიმეს ვითარებაში, რომელიც ჩვენს რეგიონში და თანამედროვე სამყაროშია შექმნილი, სწორედ მშვიდობაა მთავარი სიკეთე, რომელიც თბილისელებს, საქართველოს თითოეულ მოქალაქეს 2022 წელმა გვაჩუქა და რომელსაც დამდეგი 2023 წლიდან ყველა თბილისელი და ყველა ქართველი ისურვებდა.

ამასთან, პირველი, ვისაც თითოეული ჩვენგანი, ვისაც თითოეული თბილისელი და ქართველი ერთმანეთის შემდეგ მშვიდობას უსურვებდა, სწორედ ჩვენი კიეველი და უკრაინელი მეგობრები არიან, დიახ, მშვიდობა იყო, არის და იქნება მუდამ მთავარი ღირებულება, რაზეც ცივილიზებული სამყარო შეთანხმდა, 

მშვიდობას არ აქვს ალტერნატივა და ის, რომ ჩვენი და ზოგადად მსოფლიოს ყველა ქალაქი უნდა იყოს მშვდობის ქალაქი, ეს მავანთათვის თურმე კითხვებს აჩენს, თურმე როგორ გავბედეთ და ვახსენეთ მშვიდობა, რომლისკენაც ყველა ქვეყანა, მათ შორის ჩვენი მეგობარი უკრაინაც მიისწრაფვის, გმირი უკრაინელი ხალხი დღეს სწორედ თავისუფლებისა და მშვიდობისთვის იბრძვის.

თბილისის მერი კახა კალაძე საახალწლო სლოგანზე - თბილისი, მშვიდობის ქალაქი. "მშვიდობას” მთელი წლის განმავლობაში ხელისუფლება კოსნპიროლოგიურ, ანტიუკრაინულ და ანტიდასავლურ პროპაგადაში იყენებდა.

კომენტარები