სირიაში, სავარაუდოდ, ირანის მიერ მხარდაჭერილი ჯგუფების სარაკეტო თავდასხმის შედეგად სამი ამერიკელი სამხედრო დაშავდა, ამბობენ აშშ-ს ცენტრალურ სარდლობაში. აშშ-ს ოფიციალური პირების თქმით, იერიშები ირანის ისლამური რევოლუციური გვარდიის კორპუსის მიერ იყო ნაკარნახევი.
რაკეტები ჩრდილოეთ სირიაში ორ სხვადასხვა ადგილზე ჩამოვარდა. ცეცხლი დაახლოებით ადგილობრივი დროით 07:30-ზე გახსნეს. რამდენიმე რაკეტით იერიში მიიტანეს კონოკოს მისიის მხარდამჭერი ობიექტის ტერიტორიაზე, რასაც მოჰყვა დამატებითი რაკეტების სროლა მწვანე სოფლის მისიის მხარდამჭერ ობიექტზე.
კონოკოში ერთი ამერიკელი სამხედრო მცირე დაზიანების გამო მკურნალობას გადიოდა, თუმცა მოვალეობას უკვე დაუბრუნდა. მკურნალობის ქვეშ იყო კიდევ ორი სამხედრო.
აშშ-ს ძალებმა თავდასხმას მოიერიშე ვერტმფრენების მეშვეობით უპასუხეს. კონტრიერიშის შედეგად განადგურდა დაჯგუფებების სამი მანქანა და აღჭურვილობა, რომელიც ზოგიერთი რაკეტის გასაშვებად გამოიყენეს. სავარაუდოდ, დაიღუპა ორი ან სამი შეიარაღებული პირი.
POLITICO-ს ცნობით, აშშ-ს თავდაცვის უწყების მაღალჩინოსნის თქმით, თავდასხმაზე პასუხისმგებელია ირანის ისლამური რევოლუციური გვარდიის კორპუსი და იერიში მათი დამიზნებული იყო.
აქამდე, 23 აგვისტოს აშშ-ს ძალებმა, პრეზიდენტი ჯო ბაიდენის ბრძანებით, იერიში მიიტანეს ირანის მხარდაჭერილი დაჯგუფებები ინფრასტრუქტურაზე. კერძოდ, გაანადგურეს მათი 9 ბუნკერი, რომლებსაც ტყვია-წამლის შესანახად და ლოჯისტიკისთვის იყენებდნენ. ირანი აშშ-ს მიერ დამიზნებულ ჯგუფებთან კავშირს უარყოფს.
თავდასხმები ხდება მაშინ, როცა აშშ თეირანთან ახალ ბირთვულ შეთანხმებაზე მოლაპარაკებებს აგრძელებს.
