რუსთავი 2-ის ინფორმაციით, საქართველოში უკრაინის მოქალაქეზე, სავარაუდოდ, სექსუალურად იძალადეს.
პაციენტი თავდაპირველად ლანჩხუთის კლინიკაში, უგონო მდგომარეობაში შეიყვანეს. ინფორმაციას კლინიკის მენეჯერი ადასტურებს.
"პაციენტი უგონო მდგომარეობით შემოვიდა. [იყო] რეანიმაციაში, მერე დაუდასტურდა თირკმლის უკმარისობა და ჰემოდიალიზისთვის სხვა კლინიკაში იქნა გადაყვანილი.
დაზიანებები, ნაკაწრები აღენიშნებოდა სხეულზე". - ამბობს რევაზ ჩხიკვაძე, ლანჩხუთის სამედიცინო ცენტრის მენეჯერი ფომულასთან სატელეფონო ინტერვიუში.
მომხდარზე დამატებითი დეტალები უცნობია. ტაბულა შინაგან საქმეთა სამინისტროს დაუკავშირდა - უწყების პასუხს მიღებისთანავე შემოგთავაზებთ.
