ბელარუსის პრეზიდენტის, ალექსანდრე ლუკაშენკოს თქმით, პოსტსაბჭოთა ქვეყნები დაინტერესებულნი უნდა იყვნენ რუსეთისა და ბელარუსიის საკავშირო სახელმწიფოსთან მჭიდრო თანამშრომლობით. ამის შესახებ მან პარასკევს ბელარუსისა და რუსეთის რეგიონების ფორუმის მონაწილეებს სიტყვით მიმართა.
"დღეს პოსტსაბჭოთა სივრცის ქვეყნები გულწრფელად უნდა იყვნენ დაინტერესებული საკავშირო სახელმწიფოსთან დაახლოებით, თუ, რა თქმა უნდა, მათ სურთ შეინარჩუნონ სუვერენიტეტი და დამოუკიდებლობა. ჩვენ დარწმუნებულები ვართ, რომ მხოლოდ ერთად შეგვიძლია წინააღმდეგობა გავუწიოთ გლობალურ გამოწვევებს". - თქვა ლუკაშენკომ.
ბელარუსის პრეზიდენტმა აღნიშნა, რომ სწრაფი ერთიანობისა და კონსოლიდაციის, სახელმწიფოთაშორისი კავშირების გაძლიერების გარეშე, შესაძლოა, ამ სახელმწიფოებმა მომავალში არსებობა შეწყვიტონ.
