თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა არასრულწლოვნის მიმართ ჩადენილი განზრახ მკვლელობის მცდელობის ბრალდებით ასევე არასრულწლოვანი, 2006 წელს დაბადებული გ.გ. დააკავეს.
"გამოძიებით დადგინდა რომ გ.გ-მ ურთიერთშელაპარაკების ნიადაგზე, ცივი იარაღით ჭრილობები მიაყენა 2006 წელს დაბადებულ ლ.ა.- ს და შემთხვევის ადგილიდან მიიმალა. პოლიციამ დანაშაულის სავარაუდო ჩამდენი პირი მომხდარიდან რამდენიმე საათში, ცხელ კვალზე დააკავა" - აცხდებს შსს.
თბილისში, სამგორის რაიონში მოზარდი გუშინ, 30 მაისს დაჭრეს. მოზარდის მდგომარეობა ამ დრომდე მძიმეა, მას ოპერაცია ჩაუტარდა.
კონფლიქტში მონაწილეობდნენ 74-ე სკოლის მოსწავლეები და ინციდენტიც სკოლის მიმდებარედ მოხდა.