აშშ-ს თავდაცვის მდივანმა, ლოიდ ოსტინმა ევროპაში, NATO-ს ქვეყნების ტერიტორიაზე დამატებით 500 ჯარისკაცის და სამხედრო ინფრასტრუქტურის გაგზავნის ბრძანება გასცა. შესაბამისი გადაწყვეტილება აშშ-მ რუსეთის უკრაინაში შეჭრის ფონზე, NATO-ს წევრი ქვეყნების უსაფრთხოების გასაძლიერებლად მიიღო.
ოსტინის გადაწყვეტილებით, 500 ჯარისკაცი გერმანიაში, პოლონეთში და რუმინეთში გაიგზავნება. ამასთან, პოლონეთსა და რუმინეთში საჰაერო მხარდაჭერის ოპერაციების ცენტრი გაიხსნება. საბერძნეთში კი KC-135 ტიპის საწვავის შემვსები თვითმფრინავი განთავსდება.
დამატებითი სამხედრო განთავსებების შედეგად, ევროპაში ამჟამად 100 000-ზე მეტი ამერიკელი სამხედროა დისლოცირებული.
