საქართველოს ეროვნული ბანკის ინფორმაციით, 13 იანვრის ვაჭრობის შედეგად, ქართული ლარი აშშ დოლართან მიმართებით 0.09 თეთრით გამყარდა და ხვალინდელი კურსით, ერთი დოლარი 3.0866 ლარი ეღირება. კურსი, რომელიც დღეს მოქმედებდა 3.0875 ლარი იყო.
ევროსთან მიმართებით კი ლარი 3.11 თეთრით გაუფასურდა და გაცვლითმა კურსმა 3.5376 ლარი შეადგინა, მაშინ როცა დღეს მოქმედი კურსი 3.5065 ლარი იყო.
ლარი გაუფასურდა თურქულ ლირასთან, რომლის კურსიც 0.2269 ლარს შეადგენს და გაუფასურდა ფუნტთან, რომელიც 4.2410 ლარი ღირს.
დღევანდელი ვაჭრობის შედეგად მიღებული კურსები ძალაში 14 იანვრიდან შევა.
