დასავლეთ ლიბიის სანაპიროზე ევროპისკენ ხმელთაშუა ზღვის გადაცურვით მიმავალი 27 მიგრანტის გვამი გამოირიყა. ინფორმაციას წითელი ნახევარმთვარის ადგილობრივი ოფისი ავრცელებს.
გვამები საზღვაო ქალაქ ხომსში, ორ სხვადასხვა ადგილას გამოირიყა, მაშველებმა 3 ადამიანის გადარჩენა მოახერხეს, დაკარგულების ძებნა კი ამ დრომდე მიმდინარეობს.
ლიბია აფრიკული ქვეყნებიდან ევროპისკენ მიმავალი მიგრანტებისთვის ერთ-ერთი მნიშვნელოვანი სატრანზიტო გზაა. გაეროს მიგრაციის სააგენტოს ცნობით, 2021 წელს ხმელთაშუა ზღვის ცენტრალურ მარშრუტზე 1500-მდე მიგრანტი დაიღუპა.