საქართველოს სტატისტიკის ეროვნული სამსახურის მონაცემებით, 2021 წლის ოქტომბერში წინა თვესთან შედარებით ინფლაციის დონემ საქართველოში 1.3%, ხოლო წლიური ინფლაციის დონემ 12.8% შეადგინა.
სურსათი და უალკოჰოლო სასმელები წინა წელთან შედარებით 18.4%-ით გაძვირდა, რაც წლიურ ინფლაციაზე 5.7 პროცენტული პუნქტით აისახა.
ამ ჯუფში ფასები მომატებულია შემდეგ პროდუქტებზე:
- ბოსტნეული და ბაღჩეული - 43%-იანი ზრდა;
- ზეთი და ცხიმი - 31.6%-იანი ზრდა;
- პური და პურპროდუქტები - 19.4%-იანი ზრდა;
- რძე, ყველი და კვერცხი - 18.2%-იანი ზრდა;
- შაქარი, ჯემი და სხვა ტკბილეული - 18%-იანი ზრდა;
- თევზეული - 16%-იანი ზრდა;
- მინერალური და წყაროს წყალი, უალკოჰოლო სასმელები და ნატურალური წვენები - 13%-იანი ზრდა;
- ხორცი და ხორცის პროდუქტები - 11.2%-იანი ზრდა;
- ხილი და ყურძენი - 9.3%-იანი ზრდა;
- ყავა, ჩაი და კაკაო - 6.4%-იანი ზრდა.
ფასები მომატებულია სხვა ჯგუფებშიც.
ტრანსპორტის ჯგუფში ფასები გაიზარდა 19.6%-ით. ფასებმა მოიმატა შემდეგ ქვეჯგუფებზე:
- პირადი სატრანსპორტო საშუალებების ექსპლუატაცია - 28.9%-იანი ზრდა;
- სატრანსპორტო მომსახურების ფასი - 2.8%-იანი ზრდა.
საცხოვრებლის, წყლის, ელ.ენერგიის და აირის ჯგუფში ფიქსირდება ფასების 11.9%-იანი მატება. ფასები გაიზარდა შემდეგ ქვეჯგუფებზე:
- ელექტროენერგია, აირი და სათბობის სხვა სახეები - 13.9%-იანი ზრდა;
- საცხოვრებლის მიმდინარე მოვლა და შეკეთება - 7.3%-იანი ზრდა;
- წყალმომარაგება და საცხოვრებელთან დაკავშირებული სხვა მომსახურება - 4.5%-იანი ზრდა.
ჯანმრთელობის დაცვა გაძვირდა 8.4%-ით. ფასები გაიზარდა შემდეგ ქვეჯგუფებზე:
- სამედიცინო პროდუქცია, აპარატურა და მოწყობილობა - 12.7%-იანი ზრდა;
- საავადმყოფოების მომსახურება - 5.3%-იანი ზრდა;
- ამბულატორიული სამედიცინო მომსახურება - 3.6%-იანი ზრდა.
2021 წელს საქართველოში ინფლაციის დონემ ბოლო ათი წლის რეკორდულ ნიშნულს გადააჭარბა. საერთაშორისო სავალუტო ფონდის [IMF] გლობალური ეკონომიკური მიმოხილვის თანახმად, მაღალი ინფლაციის დონით საქართველო მსოფლიოში მე-16 ადგილზეა და მას ისეთი ქვეყნები უსწრებენ, როგორებიცაა: ვენესუელა, სუდანი, სურინამი, იემენი და ზიმბაბვე.
