"მძიმე შემთხვევაა. ბავშვი გადაარჩინეს მაშველებმა, მაგრამ ნანგრევებში ადამიანები არიან". – ამბობს აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე ბათუმში ჩამონგრეულ კორპუსზე.
რიჟვაზის თქმით, სამაშველო ღონისძიებაში ჩართულია შესაბამისი უწყებები და ასევე მობილიზდება დამატებითი ძალები, – "ყველაფერი გაკეთდება, რომ ნანგრევებში დარჩენილი ადამიანები გადარჩნენ. სრული ინფორმაცია არ გვაქვს, მიმდინარეობს მუშაობა". – ამბობს თორნიკე რიჟვაძე.
აჭარის ჯანდაცვის სამინისტროს ცნობით, ნანგრევებიდან ამ დროისთვის 2 ბავშვია გამოყვანილი - ისინი კლინიკაში გადაიყვანეს.
კორპუსი ბათუმში, 26 მაისის ქუჩაზე დღეს, 8 ოქტომბერს ჩამოინგრა. მიზეზი ჯერჯერობით უცნობია. დაშავებულების შესახებ დამატებითი ინფორმაცია ამ დრომდე არ ვრცელდება.
