ბათუმში 1988 წელს დაბადებული უცხო ქვეყნის მოქალაქე მ.ს. ოჯახის წევრის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით დააკავეს.
როგორც შსს-ს განცხადებაშია აღნიშნული, ბრალდებულმა ბათუმში, მასთან არარეგისტრირებულ ქორწინებაში მყოფ პირს - 1991 წელს დაბადებულ უცხო ქვეყნის მოქალაქეს ქ.ი.- ს დანის გამოყენებით გულ-მკერდის არეში ჭრილობები მიაყენა.
დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში მოათავსეს.
პოლიციამ მ.ს. ბრალდებულის სახით, ცხელ კვალზე დააკავა - დანაშაულის ჩადენის იარაღი, დანა ნივთმტკიცებად ამოიღეს.
გამოძიება სისხლის სამართლის კოდექსის 19-109-ე მუხლით მიმდინარეობს, რაც 16-დან 20 წლამდე ან უვადო თავისუფლების აღკვეთას ითვალისწინებს.
ბათუმი
არარეგისტრირებულ ქორწინებაში მყოფ პირს დანით ჭრილობები მიაყენა - შსს-მ 1 პირი დააკავა
