აჭარის ჯანდაცვის მინისტრის, ნინო ნიჟარაძის ინფორმაციით, კორპუსის ნანგრევებიდან ბავშვი ამოიყვანეს - ის საავადმყოფოშია გადაყვანილი. ამის შესახებ ნიჟარაძემ რადიო თავისუფლებას უთხრა.
ადგილზე მომუშავე ჟურნალისტებისა და თვითმხილველის ინფორმაციით, ნანგრევებში მანქანა მოყვა - ბავშვი ამ მანქანიდან გამოიყვანეს.
კორპუსი ბათუმში, 26 მაისის ქუჩაზე დღეს, 8 ოქტომბერს ჩამოინგრა. მიზეზი ჯერჯერობით უცნობია. დაშავებულების შესახებ დამატებითი ინფორმაცია ამ დრომდე არ ვრცელდება.
