ცენტრალური საარჩევნო კომისიის წინასწარი მონაცემებით, ამ ეტაპზე მთელი საქართველოს მასშტაბით არსებული 3 743 უბნიდან დათვლილია 1 446 უბნის მონაცემები. პროპორციულ ნაწილში პარტიული რეიტინგები ასე გადანაწილდა:
- ქართული ოცნება - 48.56%;
- ერთიანი ნაციონალური მოძრაობა - 31.23%;
- გახარია-საქართველოსთვის - 6.87%
- ლელო - 2.6%
- ევროპული საქართველო - 1.82%;
- საქართველოს პატრიოტთა ალიანსი - 1.42%
- ლეიბორისტული პარტია - 1.25%
- გირჩი-მეტი თავისუფლება - 1.04%
ცენტრალური საარჩევნო კომისიის პირველადი მონაცემებითვე, თბილისის მერობის კანდიდატს კახა კალაძეს ხმების 45.5% აქვს, ენმ-ის კანდიდატს ნიკა მელიას 34.13%, ხოლო პარტია საქართველოსთვის ლიდერს, გიორგი გახარიას - 8.97%. ამ დროისთვის, თბილისის 769 საარჩევნო უბნიდან დათვლილია 320 უბანი, რაც 41.61%-ია. ცესკოს პირველადი მონაცემებით, თბილისში მეორე ტური იქნება.
ასევე, 5-დან 3 თვითმმართველ ქალაქში, რუსთავში, ქუთაისსა და ბათუმში ოპოზიციის მერობის კანდიდატები ლიდერობენ. ხუთივე თვითმმართველ ქალაქში მე-2 ტური დაინიშნება. დათვლილია საარჩევნო უბნების 47.73%.
