ცენტრალური საარჩევნო კომისიის მონაცემებით, ხუთივე თვითმმართველ ქალაქში მე-2 ტური დაინიშნება.
თბილისში, ცესკოს მონაცემებით, 769 საარჩევნო უბნიდან დათვლილია 358 უბანი, რაც 46.55%-ია - ქართული ოცნების კანდიდატს, კახა კალაძეს ხმების 45.32% აქვს, ოპოზიციის კანდიდატს ნიკა მელიას 34.15%.
ქუთაისში, ცესკოს ინფორმაციით, დათვლილია უბნების 42.74% - ქართული ოცნების კანდიდატს, იოსებ ხახალეიშვილს 41.76% აქვს, ოპოზიციის კანდიდატს, ხატია დეკანოიძეს კი - 43.81%.
ბათუმში, ცენტრალური საარჩევნო კომისიის ცნობით, უბნების 36.19% დათვალეს - ქართული ოცნების კანდიდატს, არჩილ ჩიქოვანს 41.07% აქვს, ოპოზიციის კანდიდატს, გიორგი კირთაძეს კი - 42.6%.
რუსთავში უბნების 61.36%-ია დათვლილი - ქართული ოცნების კანდიდატს, ნინო ლაცაბიძეს, 44.92% აქვს, ოპოზიციის კანდიდატს, დავით კირკიტაძეს კი - 43.81%.
ფოთში დათვლილია უბნების 54.55%: ქართული ოცნების კანდიდატს ბექა ვაჭარაძეს 47.73% აქვს, ოპოზიციის კანდიდატს, გიგი უგულავას კი - 37.44%.
- კახა კალაძე - 45.5%, ნიკა მელია - 34.13%, დათვლილია ხმების 41.61%
- ცესკოს პირველადი მონაცემები: ოცნება - 48.56%, ენმ - 31.23%, დათვლილია ხმების 38.63%
არჩევნების შესახებ ყველა სიახლეს თვალი ადევნეთ ტაბულას საარჩევნო პორტალზე – არჩევნები 2021