უვიზო მიმოსვლა

სამხარაძე: EU-სთან უვიზო რეჟიმის შეჩერების მიზეზი არ არსებობს, განხილვა ყოველ წელს იმართება

არანაირი საფუძველი იმისა, რომ საქართველოს უვიზო მიმოსვლა შეუჩერდეს არ არსებობს. ეს განხილვები ყოველწლიურად მიმდინარეობს ხოლმე, ფასდება ამა თუ იმ ქვეყნის პროგრესი და ის, თუ როგორ ასრულებს ესა თუ ის ქვეყანა უვიზო მიმოსვლით სარგებლობისთვის ნაკისრ ვალდებულებებს. ამ შემთხვევაში, საქართველოს საქმე აქვს ძალიან კარგად. პოლიტიკური მოცემულობა ამ ქვეყანაში არის ჩვეულებრივი.

თქვა ქართული ოცნების დეპუტატმა ნიკოლოზ სამხარაძემ. დღეს, 29 სექტემბერს გახდა ცნობილი, რომ დასავლეთ ბალკანეთის ქვეყნების, საქართველოს, უკრაინისა და  მოლდოვის მოქალაქეების არალეგალური ცხოვრებისა და თავშესაფრის უსაფუძვლო მოთხოვნების ზრდის გამო, ევროკავშირი მათთვის უვიზო მიმოსვლის შეზღუდვას განიხილავს.

კომენტარები