მას შემდეგ, რაც აშშ-ში ვაქცინაცია ხელმისაწვდომი გახდა ახალგაზრდებისთვისაც, გაიზარდა იმ უნივერსიტეტების სია, რომლებიც შემოდგომიდან აპირებენ, რომ სტუდენტებისთვის ვაქცინაცია სავალდებულოდ აქციონ.
ორშაბათს, 20 აპრილს, აივი ლიგის უნივერსიტეტებიდან ამ სიას შეუერთდა Yale და Columbia, შემოდგომიდან კამპუსებში დასაბრუნებლად სტუდენტებს მოუწევთ ვაქცინაციის გავლა.
გასულ კვირას 20-მა ინსტიტუტმა დააწესა ვაქცინაციის მოთხოვნა, რამდენიმე გამონაკლისი ეხება სამედიცინო და რელიგიურ მიზეზებს. ამ უნივერსიტეტებს შორის არის:
- Boston University
- Georgetown
- Notre Dame
- Brown
- Columbia
- Yale
- Syracuse
- Cornell
- Rutgers
- St. Edward’s
- Oakland University
საერთაშორისო სავალუტო ფონდის (IMF) პროგნოზით, მიმდინარე წელს აშშ-ს ეკონომიკა 6.4% -ით გაიზრდება, რაც 1984 წელის შემდეგ რეკორდული მაჩვენებელია. ამ პროგნოზის მიზეზად IMF-ი ორ მთავარ ფაქტს ასახელებს
- ბაიდენის მიერ ინიცირებული 1.9 ტრილიონ დოლარიანი ეკონომიკური დახმარების პაკეტი, რომელიც ითვალისწინებს COVID-19-ისგან მიყენებული ზარალის შემცირებას
- აშშ-ს "უპრეცედენტო რეაგირება" პანდემიის წინააღმდეგ, რაც გულისხმობს ვაქცინაციის ეფექტიან კამპანიას
6 აპრილს აშშ-ს პრეზიდენტმა ჯო ბაიდენმა ქვეყანაში ვაქცინაციის ტემპის დაჩქარება დაანონსა. ბაიდენის განცხადებით, აშშ-ში ყველა ზრდასრული მოქალაქისთვის ვაქცინაცია 19 აპრილისთვის უნდა დაიწყოს. აქამდე მის მიერ დათქმული თარიღი პირველი მაისი იყო.
