კომენდანტის საათი

გამყრელიძე კომენდანტის საათზე: გადაწევას რეკომენდაციას ამ ეტაპზე ვერ გავუწევთ

კომენდანტის საათის გადაწევას ამ ეტაპზე ჩვენი ცენტრი რეკომენდაციას ვერ გაუწევს, იმიტომ, რომ ეპიდსიტუაცია არ არის სტაბილური და გაუარესების ტენდენცია აქვს. კომენდანტის საათის დროს მთავარი მიზანი არის მობილობის შემცირება. მობილობის შემცირება არის ერთ-ერთი მთავარი იარაღი ინფექციის გავრცელების შენელების და შეზღუდვის. 

თუ ჩვენ, როგორც მარტის შუა რიცხვებში გვქონდა ეპიდსიტუაცია, ამას ასე დავიჭერდით, მაშინ იყო საუბარი, რომ განიხილებოდა საათის შემცირება და გადაწევა, მაგრამ იცით დღევანდელი და გუშინდელი განცხადებები ევროპული ქვეყნების, სადაც კომენდანტის საათი დააწესეს საღამოს 6 საათიდან. ამიტომ, ამ ეტაპზე ეს არ განიხილება...

ამბობს დაავადებათა კონტროლის ეროვნული ცენტრის დირექტორი, ამირან გამყრელიძე კომენდანტის საათზე. საქართველოში 21:00 საათიდან 05:00 საათამდე კომენდანტის საათი კვლავ მოქმედებს. 

"დაასრულე კომენდანტი" - შაბათს, 3 აპრილს აქტივისტები პარლამენტის წინ შეზღუდვის მოხსნის მოთხოვნით აქციას გამართავენ.

კომენტარები