ნიკა მელიას საქმე

სააკაშვილი: ხუთოსანი ვიყავი, მაგრამ კრიმინალები მე ვერ მაჩმორებდნენ

"მათ გათვლილი აქვთ, რომ ხალხი დაიღლება, დაეძინებათ და მობეზრდებათ. ეს არის ივანიშვილის წარმოდგენა ქართველ ხალხზე, რომ მათ ყოველთვის მიაწვენს კუთხეში. ეს არის ჩვეულებრივი კრიმინალის და პახანის ლოგიკა. მე კარგად მახსოვს, რომ ჩემს ბავშვობაში, ჩემს ეზოში, კრიმინალები მე ვერ მაჩმორებდნენ, მიუხედავად იმისა, რომ ხუთოსანი ვიყავი. არც ქუჩის ბიჭი არ ვიყავი, თან სპორტსმენი ვიყავი, კარგად ვსწავლობდი, ძალიან ბევრი მეგობარი მყავდა, მაგრამ ვერცერთი კრიმინალი ვერ მაჩმორებდა. ზუსტად ასეთივეა ქართველი ერი. ქართველი ერი დიდი ხანია, კრიმინალების ხიბლიდან გამოვიდა. ქართველი ერი ამ პახანს, ამ მართლა კამერის მაყურებელს, თავს არ დააჩაგვრინებს".

მიხეილ სააკაშვილი მთავარ არხზე ინტერვიუს დროს სასამართლოს გადაწყვეტილებას განიხილავს, რომლის მიხედვითაც, ნაციონალური მოძრაობის ლიდერს, ნიკა მელიას, აღმკვეთ ღონისძიებად პატიმრობა შეეფარდა.  

კომენტარები