რეალურად, PVT-ს ცდომილება მთავარი საყრდენი გახდა იმაზე სასაუბროდ, რომ არჩევნები გაყალბდა. იმიტომ, რომ არასდროს არ მომხდარა ისე, რომ PVT-ს შედეგები ასცდენოდა ცესკოს მონაცემებს. ეს აცდენა დაფიქსირდა, არ ვიცი, რა და როგორ იყო, დავიჯეროთ [რომ იყო ტექნიკური ხარვეზი].
ჩვენ გავაკეთეთ მაქსიმალურად რბილი განცხადება, მიუხედავად იმისა, რომ გვქონდა სერიოზული შფოთვა იმასთან დაკავშირებით, რომ თვე-ნახევრის განმავლობაში დაგვიმალეს PVT-ის მონაცემები. ამის მიუხედავად ამისა, ჩვენ გავუფრთხილდით არასამთავრობო ორგანიზაციას, არასამთავრობო სექტორს და გვქონდა საკმაოდ რბილი და მოზომილი რეაქცია ISFED-თან დაკავშირებით. სამწუხაროდ, მათი რეაქცია ამასთან დაკავშირებით იყო, მე ვიტყოდი, არასწორი და არაადეკვატური. არ შეესაბამება იმ პრობლემას, რომელიც შეიქმნა ამ არასწორი PVT-ს გამოქვეყნების საფუძველზე. რეალურად, საუბარი იყო ქვეყნის აყირავების რისკზე, პირდაპირ შემიძლია ვთქვა, ასეთი მოცემულობით - ქვეყნის აყირავება შეიძლება გამოწვია იმას, რომ PVT ასცდა ცესკოს მონაცემებს.
