პროცესი გაგრძელდება. ნუ გვექნება მოლოდინი, რომ ერთი ან თუნდაც ორი შეხვედრით რაიმე გადაწყდება. ეს არის უმძიმესი თემა. ქვეყანა არის პოლიტიკურ კრიზისში, განსხვავებები არის უზარმაზარი. ამოცანა ჩვენი, როგორც პასუხისმგებლიანი ძალების, არის ის, რომ თანდათან, ნაბიჯ-ნაბიჯ, ვეცადოთ კომპრომისის გამოძებნას. ოღონდ, ბუნებრივია, ამ კომპრომისის გამოძებნის პროცესში ჩვენი პოზიცია არის მყარი, რომ ის, რაც არის ქვეყნისთვის ცუდი და უკანონო, ვერ შედგება კომპრომისი იმის ხარჯზე.
ვფიქრობ, კომპრომისის სივრცე არსებობს და თუ მიდგომა იქნება პასუხისმგებლიანი, იმედი მაქვს, მხარეები მოვახერხებთ შეთანხმებას.