ევროპულმა საქართველომ 19-25 ოქტომბერს სოციოლოგიური კვლევა ჩაატარა. კვლევაში 2 800-მა ადამიანმა მიიღო მონაწილეობა და ის პირისპირი გამოკითხვის გზით ჩატარდა. პარტიაში ამბობენ, რომ კვლევაში ცდომილება 3%-ია.
ევროპული საქართველოს კვლევის მიხედვით, ნედლი პარტიული რეიტინგები შემდეგნაირად განაწილდა:
- ქართული ოცნება – 27.3 %
- ერთიანი ნაციონალური მოძრაობა – 18.5 %
- ევროპული საქართველო – 11.7 %
- სტრატეგია აღმაშენებელი – 5.3 %
- ლელო – 5.1 %
- ლეიბორისტული პარტია – 4.1 %
- გირჩი – 4.03 %
- ერთიანი საქართველო – 3.01 %
- გამარჯვებული საქართველო – 2.1 %
- მოქალაქეები – 1.9 %
- პატრიოტთა ალიანსი – 1.4 %
- სხვა პარტიები – 2.3 %
- არ გადამიწყვეტია/უარი პასუხზე – 13.26 %
"ამ კვლევიდან ძალიან კარგად ჩანს ის მდგომარეობა, რომელიც დღეს რეალურად არის ქვეყანაში. მოსახლეობა გარდამტეხი ცვლილებების მოლოდინშია, ხოლო ქართულ ოცნებას ამ არჩევნების გამარჯვების შანსი არ აქვს". – ამბობს ევროპული საქართველოს საარჩევნო შტაბის ხელმძღვანელი, სერგი კაპანაძე.
კითხვაზე, თუ რა მიმართულებით ვითარდება ქვეყანა, გამოკითხულთა 65.5% ამბობს, რომ არასწორი მიმართულებით, 30.4 % მიიჩნევს, რომ ქვეყანა სწორი მიმართულებით ვითარდება, ხოლო 4.1% პასუხზე უარს ამბობს, ან არ იცის.
საქართველოში 2020 წლის საპარლამენტო არჩევნები 31 ოქტომბერს გაიმართება.
