საქართველოში მოქმედი იმამ ალის ფონდის მიერ Facebook-ზე გავრცელებულ არაერთ ფოტოში ჩანს, რომ მარნეულის მეჩეთში შეკრებილ მორწმუნეთა ნაწილს ერთნაირი მაისურები აცვია, რომლებზეც ირანის რეჟიმის მოკლული უზენაესი ლიდერი, აიათოლა ალი ხამენეი, იარაღით, სავარაუდოდ, AK-47-ით, არის გამოსახული.
რთულია იმის დადგენა, თუ თავდაპირველად როდიდან დაურიგეს ახალგაზრდა მორწმუნეებს მსგავსი შინაარსის ამსახველი მაისურები, თუმცა, იმამ ალის ფონდის მიერ გავრცელებულ ფოტოებში ისინი 19 ივნისიდან ჩნდება, როცა მორწმუნეები მარნეულის მეჩეთში მუჰარამის მესამე დღესთან დაკავშირებით შეიკრიბნენ.
ამავე მეჩეთში მორწმუნეებმა რელიგიური სიმღერა აიათოლა ალი ხამენეის პლაკატის წინაშეც შეასრულეს, რომელზეც წერია: "მისი უწმინდესობა აიათოლა ხამენეი, მსოფლიოს ჩაგრულთა ლიდერი და თავისუფლების ხმა."
მაისურებზე იარაღით გამოსახული ალი ხამენეის კადრები ზემოხსენებულ ვიდეოშიც ჩანს.
იგივე მაისურები ჩანს ფონდის Facebook გვერდზე 20, 21, 22, 23 და 25 ივნისს გამოქვეყნებულ ფოტოებშიც:
ამასთან, იგივე მაისურები "რადიო თავისუფლების" კამერამ 24 ივნისს მარნეულში გამართულ "თასუას" მსვლელობაზეც შენიშნა:
