2 ოქტომბერს აშშ-ს პრეზიდენტს, დონალდ ტრამპს და პირველ ლედის, მელანია ტრამპს, COVID-19 დაუდასტურდათ. გუშინ აშშ-ს პრეზიდენტი უოლტერ რიდის სამხედრო სამედიცინო ცენტრში გადაიყვანეს. უოლტერ რიდის სამხედრო საავადმყოფოსთან დემონსტრანტები დონალდ ტრამპის მხარდასაჭერად მივიდნენ. პრეზიდენტის მხარდამჭერები საავადმყოფოსთან ყვავილებით, დროშებითა და სხვადასხვა გამამხნევებელი მოწოდებებით და მხარდამჭერი სლოგანების პლაკატებით შეიკრიბნენ. მსგავსი აქციები აშშ-ს სხვა ქალაქებშიც გაიმართა.
დონალდ ტრამპმა მხარდამჭერებს მადლობა Twitter-ზე გადაუხადა.