ტელეკომპანია მთავარის დაკვეთით ფრანგულმა კვლევითმა ცენტრმა Ipsos-მა მოსახლეობის განწყობის კვლევა ჩაატარა.
კვლევის მიხედვით, კითხვაზე, როგორ აფასებს ბიძინა ივანიშვილის როლს ქართულ პოლიტიკაში, გამოკითხულთა 32% პასუხობს, რომ უარყოფითად. ივანიშვილის როლს მეტნაკლებად დადებითად 30% აფასებს, მეტნაკლებად უარყოფითად 20%, ძალიან დადებითად კი 10%.
IPSOS-მა კვლევა 10-18 სექტემბრის პერიოდში ჩაატარა. საქართველოს მასშტაბით სულ 1500 რესპონდენტი გამოიკითხა, ცდომილების ფარგლები კი +/-2,5%-ია.
კითხვაზე, ვის მისცემდა ხმას, მომავალ კვირას რომ არჩევნები ტარდებოდეს, გამოკითხულთა 25% ქართულ ოცნებას ასახელებს, 15.5% ნაციონალურ მოძრაობას, ევროპულ საქართველოს კი - 5%.
ასევე, ხელისუფლების მუშაობით გამოკითხულთა 35% უკმაყოფილოა.