გახარია: ჩვენ ზოგიერთებივით მხოლოდ ფასადურად პიარს არ ვაკეთებთ, პირიქით

მე ხშირად ვამბობ ხოლმე, რომ ბევრი კარგი საქმეა დაწყებული, დასრულებულიც, მაგრამ კიდევ ბევრი რამ გვაქვს დასასრულებელი ერთად. ყველას კარგად უნდა გვესმოდეს, რომ გზები, გაზმომარაგება, სასმელი წყალი ბოლომდეა მისაყვანი. საქართველოს ბევრ რეგიონში საირიგაციო წყალი ბოლომდეა მისაყვანი, სკოლებია გასარემონტებელი და ახალი ასაშენებელი. ეს არ ნიშნავს იმას, რომ ჩვენ ეს პრობლემები დღეს აღმოვაჩინეთ, ეს ნიშნავს, რომ ჩვენ წლებია ამ პრობლემებზე ვმუშაობთ და თითოეული მოქალაქე ამას ხედავს, მაგრამ კიდევ ბევრი რამ არის გასაკეთებელი. ჩვენ ხომ ზოგიერთებივით მხოლოდ ფასადურად პიარს არ ვაკეთებთ, პირიქით, ჩვენ რაღაცას ვაკეთებთ, შემდეგ მოვდივართ თქვენთან და გეუბნებით, რომ მოდით, გავაგრძელოთ ერთად.