გუშინ პოლონეთის პრეზიდენტ ანდჟეი დუდას ინაუგურაციის ცერემონიაზე პარლამენტში ოპოზიციური პარტიის წევრები ლგბტ დროშის ფერების სამოსითა და ცისარტყელას დროშის ნიღბებით დაესწრნენ. პარლამენტის წევრებმა ასე გამოუცხადეს სოლიდარობა ლგბტ თემის წევრებს.
"ჩვენ გვინდა შევახსენოთ ანდჟეი დუდას, რომ ადამიანის უფლებებისთვის ბრძოლა არავის შეურაცხყოფს. პოლონეთის რესპუბლიკის პრეზიდენტმა კი უნდა დაიცვას თითოეული მოქალაქის კეთილდღეობა". – დაწერა Twitter-ზე ოპოზიციური პარტიის Razem-ის წევრმა პარლამენტარმა, მაგდა ბიეიატმა.
"გვინდოდა შეგვეხსენებინა პრეზიდენტ ანდჟეი დუდასთვის, რომ კონსტიტუციაში არის თანასწორობის გარანტია ყველასთვის. ჩვენ არ გვინდა მისი მეორე ვადის დროს ისეთივე მდგომარეობა იყოს, როგორც წინასაპრეზიდენტო კამპანიისას." – თქვა ოპოზიციონერმა პარლამენტის წევრმა ანნა მარია ზუკოვსკამ.
წინასაპრეზიდენტო კამპანიის დროს პრეზიდენტმა დუდამ თქვა, რომ ლგბტ არ გამოხატავს ადამიანებს, არამედ არის იდეოლოგია. დუდამ ისიც აღნიშნა, რომ ლგბტ იდეოლოგია კომუნიზმზე სახიფათო იყო. პრეზიდენტის ეს განცხადება ლგბტ ადამიანების დეჰუმანიზაციად შეფასდა.
პოლონეთის მმართველი ნაციონალისტური პარტიას, კანონი და სამართლიანობა, არაერთხელ გამოუთქვამს მოსაზრება, რომ ლგბტ თემის უფლებები ძალადობრივი უცხოური იდეოლოგიაა, რომელიც პოლონურ ფასეულობებსა და ტრადიციულ ოჯახს ძირს უთხრის.