ჯანმრთელობის მსოფლიო ორგანიზაციის ხელმძღვანელი, ტედროს ადანომ გებრაიესუსი ჩინეთის წამყვან ცინხუას უნივერსიტეტის კურსდამთავრებულთა ცერემონიას ონლაინ ჩაერთვება და მათ სიტყვით მიმართავს.
ჯანმო-ს ჩინეთთან ახლო კავშირში, ჩინეთთან ერთად ახალი კორონავირუსის ინფორმაციის დამალვაში ადანაშაულებენ. 29 მაისს აშშ-მა ორგანიზაციასთან ურთიერთობის შეწყვეტა დააანონსა.
როგორც ცინხუას ეკონომიკისა და მენეჯმენტის სკოლის ცნობაშია აღნიშნული, ტედროსის ონლაინმიმართვა 21 ივნისს არის დაგეგმილი.
აშშ-ის რესპუბლიკელი სენატორი აღნიშნულ სიახლეს შემდეგი კომენტარით გამოეხმაურა: "ტექსტის წინასწარი ასლი: როგორ დავფაროთ პანდემია".
სიახლეს ჩინეთზე ხისტი პოზიციის მქონე კიდევ ერთი ამერიკელი სენატორი, რიკ სკოტიც გამოეხმაურა – "გაკვირვებულები ვართ? ტედროსი ცინხუას უნივერსიტეტში ისაუბრებს, რომელიც ჩინეთის კომუნისტური პარტიის მრავალმა ცნობილმა ლიდერმა, მათ შორის, თავმჯდომარე სი ძინფინგმა, დაამთავრა. ეს უბრალოდ მეტ კითხვას ბადებს ჯანმო-სა და ჩინეთის კომუნისტური პარტიის მყუდრო ურთიერთობაზე".
ეს პირველი შემთხვევა არ არის, როდესაც გებრაიესუსი ჩინეთის წამყვან უნივერსიტეტში სიტყვით გამოდის. ჯერ კიდევ 2017 წლის მარტში, ცოტა ხნით ადრე, სანამ მას ჯანმო-ს დირექტორად აირჩევდნენ, ის პეკინის უნივერსიტეტში მიიწვიეს, სადაც მან ისაუბრა იმის შესახებ, თუ რა მნიშვნელოვანი როლის თამაში შეუძლია ჩინეთს აფრიკის ქვეყნების ჯანდაცვის გაძლიერებაში.
ჯანმო-სა და ჩინეთის კავშირის შესახებ ვრცლად შეგიძლიათ წაკითხოთ აქ.
