თბილისის ინფექციური საავადმყოფოს სამედიცინო დირექტორის, მარინა ეზუგბაიას ცნობით, 4 ახალი პაციენტიდან, რომლებსაც COVID 19 დაუდასტურდათ, 2 ბათუმშია მოთავსებული, 2 კი ინფექციურ საავადმყოფოში.
ეზუგბაიას განმარტებით, 4-ვე შემთხვევის ინფიცირების წყარო ცნობილია, ეს - შემოტანილი, ე.წ. იმპორტული შემთხვევებია.
ინფექციური საავადმყოფოს სამედიცინო დირექტორის ინფორმაციით, დღეს, 9 აპრილი, დილით კლინიკაში ახალ კორონავირუსზე ტესტი 10 პაციენტს ჩაუტარდა, ყველა მათგანის პასუხი უარყოფითია.
საქართველოში კორონავირუსით ინფიცირების 218 დადასტურებული შემთხვევაა აღწერილი, აქედან 50 პირი გამოჯანმრთელდა, ხოლო 3 გარდაიცვალა.
9 აპრილის საღამოს მონაცემებით, საკარანტინო სივრცეში 4 722 პირი რჩება, სტაციონარში მეთვალყურეობის ქვეშ - 408.