ჩილეს პრეზიდენტმა სებასტიან პინიერამ საპროტესტო აქციების პასუხად მინისტრთა კაბინეტი დაითხოვა და სოციალური რეფორმების გატარების პირობა დადო. მან ასევე გამოაცხადა, რომ კომენდატის საათი, რომელიც ჩილეში ერთი კვირის წინ ამოქმედდა, გაუქმებულია.
ჯერ-ჯერობით უცნობია კონკრეტულად რა ცვლილებები შევა მინისტრთა კაბინეტის შემადგენლობაში.
ოპოზიცია ასევე მოითხოვს საგანგებო მდგომარეობის გაუქმებასაც.
ჩილეს დედაქალაქ სანტიაგოში გუშინ საპროტესტო აქციებს მილიონზე მეტი ადამიანი შეუერთდა, რაც ქვეყნის მთლიანი მოსახლეობის 5%-ზე მეტია. ერთკვირიანი პროტესტის განმავლობაში ადგილი ჰქონდა პოლიციასთან დაპირისპირებებს. მომიტინგეებმა დაწვეს ავტობუსები, დააზიანეს მეტროს სადგურები. პოლიციამ გამოიყენა ცრემლსადენი გაზი და წყლის ჭავლი.
დაიღუპა სულ მცირე 17 და დაშავდა ასობით ადამიანი. დააკავეს 7,000-ზე მეტი ადამიანი.
ქვეყანაში საპროტესტო აქციები მეტროზე ფასების ზრდას მოჰყვა და როგორც მომიტინგეები ამბობენ, ზოგადად გაზრდილი ფასებისა და ქვეყანაში არსებული უთანასწორობის წინააღმდეგ აქციებში გადაიზარდა. გუშინდელ აქციაზე მომიტინგეები პრეზიდენტ პინერას გადადგომასაც ითხოვდნენ.
