მაროკოელ ჟურნალისტს, ჰაიარ რაისუნსა და მის პარტნიორს აბორტის გამო ერთწლიანი პატიმრობა მიუსაჯეს.
ჟურნალისტი მაროკოს დედაქალაქ რაბატში მაშინ დააკავეს, როდესაც გინეკოლოგიურ კლინიკას ტოვებდა.
ჰაიარ რაისუნი მთავრობისადმი კრიტიკულად განწყობილ გაზეთში, Akhbar Al-Yaoum-ში მუშაობდა. პროკურორის თქმით, დაკავება მის ჟურნალისტურ საქმიანობას არ უკავშირდება. მისივე თქმით, კლინიკა, რომლის დატოვების დროსაც ქალი დააკავეს, უკანონო აბორტების გამო პოლიციის დაკვირვების ქვეშ იყო. სასამართლომ ექიმს 2 წლიანი პატიმრობა მიუსაჯა.
სასამართლოზე ჟურნალისტმა და მისმა პარტნიორმა თქვეს, რომ ქალს აბორტი არ გაუკეთებია. თუმცა, მოსამართლის თქმით, სამედიცინო და იურიდიული მტკიცებულებები საპირისპირო განაჩენის საფუძველი გახდა.
Human Rights Watch-ის რეგიონულმა დირექტორმა ვერდიქტი "მაროკოს თავისუფლებისთვის შავ დღედ" შეაფასა. მისი თქმით, ეს "აშკარა უსამართლობა, უხეში დარღვევა და ადამიანის უფლებებზე თავდასხმაა".
