მაროკოში ატლასის მთების რეგიონში ორი სკანდინავიელი ტურისტი ქალის მკვლელობასთან კავშირის გამო 19 ადამიანი დააკავეს.
მათ შორის არის 4 მთავარი ეჭვმიტანილი და 15 ადამიანი, ვისაც მათთან კავშირი ჰქონდა და მკვლელობის შესახებ იცოდა.
24 წლის დანიელი ლუიზა იასპერსენი და 28 წლის ნორვეგიელი მარენ ულანდი მოკლული 17 დეკემბერს იპოვეს.
მთავარი ეჭვმიტანილების ასაკი 25-დან 30 წლამდეა. 14 დეკემბერს მათ ჩაწერეს ვიდეო, რომელშიც ერთგულებას ე.წ. ისლამურ სახელმწიფოს უცხადებენ.