ამერიკული ყვითელი მედია დიდი ხანია წერს, რომ სუპერ მოდელი ნაომი კემპბელი და ჯგუფ One Direction-ის წევრი ლიამ პეინი ერთმანეთს მალულად ხვდებიან.
ამ ჭორების საფუძველს ყვითელ პრესაში სხვადასხვა წყაროს გარდა ლიამისა და ნაომის კომენტარებიც წარმოადგენს Instagram-ზე, სადაც ისინი ერთმანეთს ეფლირტავებიან.
ჯონათან როსის შოუში ნაომი კემპბელს კითხეს, ნამდვილად ხვდებოდა თუ OD-ის ერთერთ წევრს, რაზეც ნაომის, როგორც ყოველთვის, საკულტო რეაქცია ჰქონდა: 
მცირეხნიანი ღიმილის შემდეგ ნაომიმ ჯონათან როსს შემდეგნაირად უპასუხა:
"მე არასდროს განვიხილავ ჩემს პირად ცხოვრებას".
რა თქმა უნდა, როსისთვის ეს პასუხი არამაკმაყოფილებელი აღმოჩნდა და ისევ ჰკითხა გავრცელებულ ჭორებზე ლიამ პეინთან დაკავშირებით.
"ეს სიგიჟეა. ერთ დღეს ვიღაც ერთზე ამბობენ, მეორე დღეს - სხვაზე. ხვალ ვინ იქნება? ეს არის ის, რაც მაინტერესებს. ძალიან სასაცილოა ეს ყველაფერი ჩემთვის. საოცარი ისტორიებია. ძალიან სასაცილოა. უბრალოდ, ჩემი ცხოვრებით ვცხოვრობ".
