3 და 4 მარტს HBO-ს ეთერში დენ რიდის გადაღებული ორ-ნაწილიანი დოკუმენტური ფილმი "Leaving Neverland" გადაიცემა.
ფილმი ორი კაცის მონათხრობს შეეხება, რომლებიც იძახიან რომ მაიკლ ჯექსონი 7 და 10 წლის ასაკში მათზე სექსუალურად ძალადობდა.
ჯეიმს სეიფჩაკმა მაიკლ ჯექსონი 10 წლის ასაკში გაიცნო, როდესაც მასთან ერთად პეპსის რეკლამაში მიიღო მონაწილეობა, უეიდ რობსონმა კი მაიკლ ჯექსონი 7 წლის ასაკში კონცერტზე გაიცნო.
"ყოველ ღამე როდესაც მასთან ვიყავი, ადგილი ჰქონდა სექსუალურ შევიწროებას, ამ დროს კი დედაჩემი გვერდით ოთახში იყო", - ამბობს ფილმში უეიდ რობსონი.
მისივე თქმით, პოპის მეფე მას ეუბნებოდა, რომ თუ ოდესმე ვინმე იმის შესახებ გაიგებდა, რასაც ისინი სახლში აკეთებდნენ, მათ სამუდამოდ ციხეში წასვლა მოუწევდათ.
ჯეიმს სეიფჩაკის თქმით, მაიკლ ჯექსონი მას ეუბნებოდა, როგორ უყვარდა ის, როგორი წმინდა იყო მათი მეგობრული ურთიერთობა, შემდეგ კი მასზე ძალადობდა.
დოკუმენტურ ფილმს "Leaving Neverland" შემთხვევით არ ჰქვია - პოპის მეფეს კალიფორნიაში ვილა ჰქონდა, რომელსაც Neverland ერქვა, იქ კი ყველაფერი იყო რაც ბავშვებს მოწონდათ: ატრაქციონები, ტკბილეულის მაღაზიები, ეგზოტიკური ცხოველები, გემრიელი საჭმელი, კინოთეატრები და ა.შ.
"Leaving Neverland"-ის პრემიერი თავდაპირველად სანდენსის ფესტივალზე შედგა. პრემიერი შემდეგ მაიკლ ჯექსონის სააგენტომ HBO-ს უჩივლა და 100 მილიონი დოლარის გადახდა მოთხოვა მორალური ზიანის ასანაზღაურებლად. მოგვიანებით კი, დაანონსეს რომ ზუსტად ფილმის სატელევიზიო პრემიერების [3 და 4 მარტი] დროს მაიკლ ჯექსონის ბუქარესტში და უემბლიზე ჩატარებული კონცერტების ჩანაწერები დაიდებოდა "ლიმიტირებული დროით".
მაიკლ ჯექსონი სიცოცხლეშივე ორჯერ 1993 და 2003 წლებში დაადანაშაუელეს ბავშვების სექსუალურ შევიწროებაში. პირველ შემთხვევაში პოპის მეფე უდანაშაულოდ ცნეს, მეორე შემთხვევაში კი მისი სასამართლო პროცესები 2003 წლიდან 2005 წლამდე გრძელდებოდა და საბოლოოდ სასამართლომ ის უდანაშაულოდ ცნო.
პოპის მეფე 2009 წელს გარდაიცვალა, ის დღემდე ერთ-ერთ ყველაზე გაყიდვად არტისტად რჩება.
