სამართალდამცველებმა წარსულში მძიმე დანაშაულებისთვის მრავალჯერ ნასამართლევი, 1991 წელს დაბადებული ო.ქ. ძარცვის ბრალდებით დააკავეს.
"გამოძიებამ დაადგინა, რომ ბრალდებულმა ქალაქ ზესტაფონში ერთ-ერთი მოქალაქის კუთვნილი სახლიდან ოქროს ნივთები გაიტაცა და შემთხვევის ადგილიდან მიიმალა. სამართალდამცველებმა, ჩატარებული სამძებრო ღონისძიებების შედეგად, ო.ქ. მომხდარიდან რამდენიმე დღეში, ქალაქ ზესტაფონში დააკავეს" - აცხადებს შსს.
გამოძიება ძარცვის ფაქტზე, სისხლის სამართლის კოდექსის 178-ე მუხლით მიმდინარეობს. დანაშაული 5-დან 8 წლამდე ვადით თავისუფლების აღკვეთას ითვალისწინებს.
