გარემოს დაცვისა და სოფლის მეურნეობის სამინისტროს ინფორმაციით, 2018 წლის 1 ივლისიდან 31 ივლისის ჩათვლით, ხე-ტყის უკანონო მოპოვებისა და ტრანსპორტირების 265 ფაქტი გამოავლინეს, მათ შორის 21 ფაქტი სისხლის სამართლის დანაშაულების ნიშნებს შეიცავს.
ხე-ტყის უკანონო მოპოვებისა და ტრანსპორტირების ყველაზე მეტი ფაქტი სამცხე-ჯავახეთში გამოვლინდა, ყველაზე ნაკლები კი მცხეთა-მთიანეთში.
- სამცხე ჯავახეთი - 69;
- აჭარა - 37;
- კახეთი - 34;
- შიდა ქართლი - 33;
- სამეგრელო-ზემო სვანეთი - 27;
- იმერეთი - 26;
- რაჭა-ლეჩხუმი ქვემო სვანეთი - 18;
- ქვემო ქართლი- 11;
- გურია - 9;
- მცხეთა-მთიანეთში - 1.
უწყების ინფორმაციით, ჯამში ამოღებულია უკანონოდ მოპოვებული 2352 მ³-მდე ხე-ტყე.
გარდა ამისა, გარემოსდაცვითი ზედამხედველობის დეპარტამენტში აცხადებენ, რომ ამავე პერიოდში, სახერხი საამქროს რეგლამენტის დარღვევის 61 ფაქტი დაფიქსირდა და ამოღებულია 4 დაურეგისტრირებელი სახერხი დანადგარი.
მათივე ინფორმაციით, მასალები შემდგომი რეაგირებისთვის, შესაბამის უწყებებშია გადაგზავნილი.