სირიის აღმოსავლეთით რუსული Ka-52 ტიპის საბრძოლო ვერტმფრენი ჩამოვარდა. დაიღუპა ეკიპაჟის ორივე წევრი.
ამის შესახებ ინფორმაციას რუსეთის თავდაცვის სამინისტრო ავრცელებს.
ამ დროისათვის არსებული ინფორმაციით ვერტმფრენის ჩამოვარდნა ტექნიკურმა გაუმართაობამ გამოიწვია.
Ka-52 ტიპის საბრძოლო ვერტმფრენებს რუსეთი სირიაში 2016 წლიდან იყენებს. ეს სირიაში ამ ტიპის რუსული ვერტმფრენის ჩამოვარდნის პირველი შემთხვევაა. გასულ კვირას სირიის ჰმეიმიმის ავიაბაზასთან ჩამოვარდა რუსული Su-30SM ტიპის საბრძოლო თვითმფრინავიც, რამაც ორი პილოტის დაღუპვა გამოიწვია. ავიაკატასტროფის მიზეზად ძრავში ჩიტის შეფრენა დაასახელა.
