საერთოდ გასარკვევია მართლა, ვისი წამხედურობით უნდა ვიყოთ და ვიაროთ. თუ მართლა ბოკერიას ჭკუა-გონებაზე იქნება საქმე, რომელიც, ცუდ შემთხვევაში, ამანათებს უნდა იღებდეს და კარგ შემთხვევაში ჩუმად უნდა იყოს თავჩაქინდრული, იმიტომ რომ სწორედ მათმა - სააკაშვილის, ბოკერიას და ძმანი მათნი - პოლიტიკამ მოიტანა ის, რა დღეშიც ჩვენ ახლა ვიმყოფებით. თუ ისევ ამ რელსზე უნდა გადავიდეთ, ეს ერთი საქმეა და თუ არა, ყოველ შემთხვევაში, უნდა გვეცადა მშვიდობიანად, საქმიანად, ღირსეულად გარკვეულწილად წინ წავსულიყავით და ურთიერთმოლაპარაკების სივრცეში რაღაცნაირად შევსულიყავით. [....] რუსეთი მაშინ უფრო საშიშია, როცა მასზე ზეწოლა მიმდინარეობს. დღეს, როცა მთელი საერთაშორისო თანამეგობრობა მასზე ზეწოლას ახდენს, ის, ბუნებრივია, უფრო საშიში ხდება და შეიძლება მოუტრიალდეს - ვის უნდა მოუტრიალდეს სამაგალითოდ, თქვენ თვითონ გამოიცანით.
tbl.ge/2uvr
დაკოპირდა
თქვა ქართული ოცნების დეპუტატმა, ნუკრი ქანთარიამ ტვ პირველის ეთერში, რუსი დიპლომატის საქართველოდან გაძევების შესახებ. საქართველოს საგარეო საქმეთა სამინისტრომ ეს გადაწყვეტილება დღეს მიიღო. ამით მან გაერთიანებული სამეფოს ტერიტორიაზე ქიმიური იარაღის გამოყენების ფაქტი დაგმო და დიდ ბრიტანეთს სოლიდარობა გამოუცხადა.
ამავე თემაზე
- МГУ-ს მტკიცებით, კონფერენციაზე სკრიპალების მოწამვლაში ეჭვმიტანილების მიწვევა ხუმრობა იყო
- Bellingcat-მა სკრიპალის მოწამვლაში მონაწილე GRU-ს მესამე აგენტის ვინაობა გაავრცელა
- სკრიპალის მოწამვლაში ეჭვმიტანილი მეორე პირი GRU-ს სამხედრო ექიმია
- სკრიპალის მოწამვლაში ეჭვმიტანილები RT-ს ინტერვიუში: სოლსბერიში ტურისტებად ჩავედით
- ტერეზა მეის თქმით, სკრიპალის მოწამვლაში ეჭვმიტანილები GRU-ს თანამშრომლები არიან