მონტენეგროს დედაქალაქ პოდგორიცაში აშშ-ის საელჩოს წინ მამაკაცმა სავარაუდოდ საელჩოს შენობას ხელყუმბარა ესროლა, რომელიც ჰაერში აფეთქდა. მამაკაცი საელჩოს კედლიდან 30 მეტრში გარდაცვლილი იპოვეს.
მისი ვინაობა და ქმედების მოტივი ჯერ-ჯერობით უცნობია.
მონტენეგროს მთავრობამ Twitter-ზე შემდეგი განცხადება გაავრცელა:
"00:30-ზე, პოდგორიცაში აშშ-ის საელჩოს შენობის წინ უცნობმა პირმა თავი ასაფეთქებელი მოწყობილობით მოიკლა. მანამდე მან ასაფეთქებელი მოწყობილობა გზაჯვარედინიდან აშშ-ის საელჩოს მიმართულებით ისროლა."