პარლამენტში ინიცირებული კანონპროექტის მიმართ არის ძალიან ბევრი კითხვის ნიშანი. გააქტიურდა უწყებათაშორისი კომისია. სახელმწიფო ნარკოპოლიტიკასთან დაკავშირებით ერთიან პოზიციას დააფიქსირებს. მინდა შევაქო ყველა სამართალდამცავი, ვინც ყოველდღე, 24 საათის განმავლობაში მუშაობს იმისთვის, რომ საქართველოში არ გავრცელდეს ნარკოტიკები და გამსაღებლებს სხვისი შვილების მოწამლვის საშუალება არ მიეცეთ. ასევე დიდი მადლობა მინდა გადავუხადო საქართველოს პროკურატურას ასეთი ეფექტური მუშაობისთვის. სახელმწიფო ვერანაირი “თეთრი ხმაურის“ და კლუბ “ბასიანის“ შანტაჟის ქვეშ ვერ მოექცევა. ის ნაბიჯ-ნაბიჯ განახორციელებს რეფორმას, რომელიც იქნება ლიბერალური მომხმარებლების მიმართ, მაგრამ ძალიან მკაცრი და დაუნდობელი ნარკოტიკების რეალიზატორების მიმართ. ნარკოპოლიტიკის ლიბერალიზაციის თაობაზე ჩვენ ახალ კანონპროექტს მივიღებთ, რომელიც მთავრობაში მუშავდება და არა “თეთრი ხმაურის“ და კლუბ “ბასიანში“ დაწერილ კანონპროექტს, რომელიც ნარკოტიკების გავრცელებასა და გასაღებისთვის ძალიან მცირე სასჯელებს გულისხმობს.
tbl.ge/2qw8
დაკოპირდა
საპარლამენტო უმრავლესობის წევრი ვანო ზარდიაშვილი ქვეყანაში ნარკოპოლიტიკის შესახებ, ინტერპრესნიუსთან საუბრისას.
ამავე თემაზე
- გომელაურის თქმით, 7 ნარკოტიკულ საშუალებაზე კონკრეტული ოდენობები განისაზღვრება
- NGO-ები: ნარკოპოლიტიკა სისტემურ რეფორმას საჭიროებს
- SJC: დასჯის ნაცვლად, ზომები ნარკომომხმარებელთა ჯანმრთელობის დაცვისკენ უნდა იყოს მიმართული
- SJC: საგანგაშოა ღარიბაშვილის რიტორიკა ნარკოპოლიტიკის გამკაცრების თაობაზე
- ღარიბაშვილი: ნარკოდამოკიდებულ ადამიანებს მუშაობა უნდა დავაწყებინოთ