"წელს ინფლაციის ზრდა მეწტილად თამბაქოსა და საწვავზე ფასების ზრდას უკავშირდება, რაც აქციზის გადასახადის ზრდითა და მსოფლიო ბაზარზე ნავთობის ფასების მატებით არის განპირობებული", - ამბობს ეროვნული ბანკის პრეზიდენტი კობა გვენეტაძე. ოქტომბერში ინფლაციამ 6.4% შეადგინა, რაც სებ-ის სამიზნე 4%-ზე მაღალია.
ქვეყანაში ფასების სტაბილურობაზე (ინფლაციაზე) კონტროლი ეროვნულ ბანკს ეკისრება. ამ მიზნის მისაღწევად ეროვნული ბანკი ბაზარზე ფულის მიწოდების ინსტრუმენტს, რეფინანსირების სესხებს იყენებს. სებ-ი გაზრდილი ინფლაციური მოლოდინების შემთხვევაში კომერციული ბანკებისთვის მისაწოდებელი ლარის რესურსის საპროცენტო განაკვეთს ზრდის, რითიც ეკონომიკაზე ფულის მიწოდებას აძვრებს, რითიც გარკვეული პერიოდის შემდეგ ინფლაციის შემცირებას იწვევს. დღეისთვის რეფინანსირების განაკვეთი 7%-ია.
კობა გვენეტაძის განცხადებით, თამბაქოსა და საწვავზე აქციზის მატება შეიძლება ერთჯერად ფაქტორად ჩაითვალოს, რომლის მოქმედების ვადაც 1 წელია. 1 წლის შემდეგ კი ეს ფაქტორები ამოწურული იქნება და ინფლაციაც სამიზნე მაჩვენებელს დაუბრუნდება.
უფრო კონკრეტულად თუ რომელი პროდუქტების ფასები გაიზარდა ყველაზე მეტად შეგიძლიათ გაიგოთ ბმულზე.